- Administrador
- 01·02·2023
Como xa é tradicional, o vindeiro sábado 25 de febreiro ás 17:00 horas, e dentro das actividades do tan esperado Entroido de Bembrive, organizado por esta Entidade Local en colaboración con varias Asociacións da parroquia, realizarase o Desfile de Comparsas pola Estrada de Bembrive, concretamente no tramo comprendido entre a confluencia da Rúa dos Troncais coa Rúa Eifonso e o Centro Cultural do Torreiro da Ponte.
Ás 22:30 horas realizarase a verbena-baile de disfraces e o Concurso de disfraces individuais de adultos no citado local, que contará coa animación dun grupo musical en directo.
O concurso de disfraces individuais infantís celebrarase o domingo dia 26 de febreiro ás 17:00 h. no auditorio da casa cultural, co espectáculo musical de "Animar-T a bailar"
As persoas interesadas poden consultar as bases dos concursos de comparsas e disfraces de adultos e de individuais infantís no taboleiro de anuncios: http://bembrive.org/elm-bembrive-taboleiro . (Tamén se reproducen ao remate deste anuncio).
O formulario de solicitude de inscrición pódese descargar no seguinte enlace (modificar o ano 2022 polo actual): http://bembrive.org/uploads/impreso solic. inscrición comparsas entroido 2022.doc
O cartaz do evento pódese descargar aquí:
BASES DO CONCURSO DE COMPARSAS E DISFRACES DE ADULTOS - ENTROIDO 2023 :
1.- O obxecto deste concurso é o de seleccionar as mellores comparsas e disfraces individuais de adultos, con motivo da celebración do Entroido en Bembrive, organizado pola Entidade Local Menor de Bembrive en colaboración coas Agrupacións da parroquia, terá lugar o sábado día 25 de febreiro.
2.- As comparsas participantes comporanse dun mínimo de 20 persoas. Estas deberan concentrarse na Estrada de Bembrive (Camiño dos Troncais) ás 16:00 horas, colocándose no seu lugar que se lle adxudique para o desfile, e identificándose cada unha co número que lle corresponda en función da inscrición e das características da mesma. O desfile comezará as 17:00 horas, quedando excluída do concurso toda aquela comparsa que non poida comezar o percorrido a esta hora.
3.-As comparsas deberán inscribirse
previamente entre o días 13 e 17 de febreiro (ambos incluidos), presentado as
follas de solicitude de inscrición debidamente cumprimentadas, no rexistro desta
Entidade Local Menor, en horario de 9.30 a 14 h, ou ben mediante calquera das
formas establecidas no artigo 16.4 da Lei 39/2015 de Procedemento Admvo. Común das
AA.PP. O prazo de inscrición finalizará o día 17 de febreiro.
Non serán admitidas inscricións con posterioridade á data e hora indicadas, calquera que sexa a causa do atraso. As follas de solicitude de inscrición están a disposición das persoas interesadas nas oficinas da Entidade Local Menor e na páxina web da Entidade, www.bembrive.org .
4.- O número de comparsas
participantes será dun máximo de 25, incluindo categoría de infantís e adultos.
Queda excluida a participación das comparsas que acheguen a inscrición unha vez
cuberto o número de participantes ou con posterioridade a data e hora
indicadas.
Os participantes seleccionaranse por riguroso orde de entrada no rexistro
da Entidade.
A orde das comparsas no desfile realizarase en función das medidas das carrozas, de menor a maior dimensións.
5.- Cada comparsa deberá levar unha persoa para levar o número de orde, que deberá colocarse ao inicio da comparsa que representa.
6.- As persoas que desexen participar no concurso de disfraces individuais adultos teñen que recoller o número de inscrición no palco da carpa instalada no Torreiro de festas, na noite do 25 ao 26 de febreiro, entre as 00.00 e a 01.00 horas.
7.- Establécense para este concurso os seguintes premios e accésit:
a)
Premios para comparsas:
Categoría
adultos:
·
Primeiro premio 500,00
€
·
Segundo premio
450,00
€
·
Terceiro premio
400,00
€
· Resto de participantes 200,00 €
Categoría
infantil:
·
Primeiro premio
275,00
€
·
Segundo premio
250,00
€
·
Terceiro premio 225,00 €
· Resto de participantes 200,00 €
b)
Premios individuais adultos:
·
Primeiro premio 100,00
€
·
Segundo premio
80,00 €
· Terceiro premio 60,00 €
Os premios poden ser declarados desertos polo xurado do concurso.
8.- A valoración do concurso estará determinada polo criterio do Xurado, que estará composto por:
·
Presidencia: A Alcaldesa Pedánea da
Entidade Local Menor de Bembrive.
·
Vocais: Cinco persoas que designará
a Alcaldía da Entidade Local de Bembrive.
· Secretario: O administrativo da ELM de Bembrive.
9.- O
Xurado terá liberdade de criterio para establecer as súas calificacións pero
deberá prestar atención a cuestións como:
-
Número de membros
-
Vestiario
-
Orixinalidade
-
Coreografías
- Presencia de elementos complementarios como carrozas, armonía, simpatía, etc.
10.- O xurado avaliará as comparsas participantes no desfile dende algún punto do percorrido. A Alcaldesa Pedánea desta Entidade Local Menor está facultada para resolver as eventualidades que poidan xurdir, non previstas nestas bases.
11.- A participación neste concurso supón a aceptación de todas e cada unha das súas bases. A decisión do xurado é inapelable.
Bembrive, 30 de xaneiro de 2023
A Alcaldesa Pedánea, Asdo.: Patricia Otero Carrera
Comentarios (1)
Engade un comentario
Noticias recentes
Campamento de verán (Ludoteca) 2023
- 10·05·2023
- 0
Campamento de semana santa Bembrive 2023
- 08·03·2023
- 0
Campamento do Entroido 2023 (Ludiland)
- 01·02·2023
- 0
Últimas galerías
-
Mobe multideporte1 fotos
-
-
O Chans-Bembrive na Festa Floral8 fotos
-
O Chans no Entroido de Bembrive7 fotos
Rexistro
As Asociacións e Empresas poden rexistrarse para disfrutar do seu propio espazo privado na nosa web. Envía o formulario de solicitude e, unha vez revisado, enviarémoste os teus datos de acceso. Moitas grazas por colaborar!
Vecino 03·02·2023 01:20:58
Vais a cortar alguna calle más? Con este san Blas de un mes no os llego?