Empregamos cookies propias e de terceiros para mellorar os nosos servizos. Se continuas navegando consideramos que aceptas o seu uso.
Podes obter máis información aquí.

Os Reis Magos de Oriente chegarán a Bembrive o mércores 4 de xaneiro

Administrador
13·12·2022

Como xa é tradicional, Bembrive recibirá ás Súas Maxestades, os Reis Magos de Oriente, o vindeiro dia 4 de xaneiro, que nesta ocasión cadra nun mércores.

A Cabalgata, partirá ás 17:00 horas da rotonda situada na confluencia da Estrada de Bembrive coa Rúa Eifonso (na contorna do Colexio Público Mosteiro), para rematar no Torreiro da Ponte (diante do Centro Cultural de Bembrive, xestionado pola Asociación SCDR Helios).

Ás 18:00 horas terá lugar no auditorio do citado local socio cultural unha actuación musical infantil.

A Entidade Local Menor de Bembrive, xunto cos colectivos sociais, de mulleres, culturais e deportivos desta parroquia, e a pesar de todas as dificultades coas que se atopan, son conscientes de que unha das maiores satisfaccións é o mantemento da ilusión das nenas e nenos que agardan todo o ano a chegada dos Reis cos regalos, polo que, ao tempo que convidan á veciñanza a asistir ao evento.