Quentando motores para a XI Carreira Solidaria Nocturna

Administrador
16·11·2022

O sábado dia 26 de novembro de 2022 celebrarase a décimo primeira edición da “Carreira Solidaria Nocturna de Bembrive”, que leva o nome de Manuel Dalmeida, vocal desta Entidade falecido e verdadeiro impulsor da proba.

A carreira está organizada pola Entidade Local Menor de Bembrive e conta coa colaboración da Concellería de Deportes de Vigo, das agrupacións da parroquia, da Asociación Festa da Sidra e das firmas comerciais Alcampo Vigo-2 e Augas de Mondariz.

O custo da inscrición é 1 Kg. de alimento non perecedero, que se entregarán a persoas da parroquia que estean a pasar dificultades económicas.

A proba terá unha distancia de 6.785 m e dará comenzo ás 20:00 diante da sede da Entidade Local Menor, onde tamén os atletas inscritos deberán recoller as acreditacións e o chip necesario para a carreira.

Como nos anos anteriores, prevese a participación dos máis cativos coa celebración da carreira infantil que terá lugar ás 18:30 coa saida diante da sede da sede desta ELM.

Ao remate da proba celebrarase un Magosto con música e bebida gratuita, no que poderán participar tanto os corredores como todos aqueles que nos queiran acompañar, acto que será amenizado por un grupo folc.

Asi mesmo, toda a veciñanza que así o desexe e queira participar, ven aportando alimentos, colaborando na organización ou participando na festa final poden facelo e disfrutar da xornada.

As persoas interesadas poden inscribirse ou consultar as inscricións realizadas clicando aquí: https://cronotec.es/ ou

https://cronotec.es/bembrive.html