Esta Entidade Local Menor está organizando a XXV Festa Floral de Bembrive que terá lugar o vindeiro domingo día 19 de xuño na contorna da igrexa parroquial.
Co fin de poder confeccionar as alfombras de xeito idóneo e garantir a seguridade das persoas que colaboran, infórmase que o tramo desde a IGREXA ata a PRAZA MOSTEIRO permanecerá pechado ao tráfico dende as 16.00 horas do sábado día 18 de xuño, ata as 18.00 horas do domingo 19, non permitíndose a circulación de vehículos nin o estacionamento no mencionado lugar.
Agradécese a colaboración da veciñanza para o bó desenvolvemento dos actos previstos para a mencionada festa, e anímase á mesma a adornar os seus balcóns con motivo da celebración do Corpus Cristi, que culminará coa procesión a continuación da misa maior.
Comunícase a todas aquelas persoas que desexen colaborar nesta actividade, organizada por esta Entidade Local coa axuda de varias Asociacións de Bembrive, e que se celebrará o 19 de xuño, que poden chamar aos teléfonos núm. 986 423 148 ou 619 419 314 para que o persoal desta Entidade pase a recoller as flores que se cedan para a elaboración de alfombras.
Así mesmo, anímase a todas elas a axudar no debullado de flores nos locais habituais ou confeccionando as alfombras durante o sábado, día 18 de xuño.
Cartelería da actividade: http://bembrive.org/uploads/cartaz xxv f.floral 2022.pdf
1 fotos
8 fotos
7 fotos
As Asociacións e Empresas poden rexistrarse para disfrutar do seu propio espazo privado na nosa web. Envía o formulario de solicitude e, unha vez revisado, enviarémoste os teus datos de acceso. Moitas grazas por colaborar!