CONCURSO LITERARIO "RELATOS CURTOS" 2017
TEMA: BEMBRIVE E A SÚA XENTE
PARTICIPANTES: Convócanse dúas
modalidades: de 14 ata 18 anos. Maiores de 18 anos residentes no territorio
nacional con independencia da súa nacionalidade.
REQUISITOS: O texto presentado
debe ser orixinal do autor e inédito, non se poderán presentar obras premiadas
por outros organismos públicos ou privados, de igual modo non poderán
presentarse obras publicadas, sen importar o soporte ou medio utilizado e, se presentará
unha soa obra por autor. A obra deberá asinarse con pseudónimo e xunto ao
relato curto achegarase un sobre onde figure o pseudónimo (dentro do sobre
incluirase unha ficha cos seguintes datos: nome e apelidos do autor, enderezo,
idade, número de contacto e pseudónimo). Tanto no relato curto como no sobre
adxunto debe indicarse a modalidade na que participa. Os orixinais deberán
estar redactados co tipo "Times New Roman" e o seu tamaño será de 12,
con interlineado 1,5. Deixarase 2 centímetros de marxe en cada un dos bordes da
páxina. Extensión máxima será de 4 páxinas, escritas nunha soa cara do folio.
No caso de que non se presentasen un mínimo de 5 participantes, o concurso
sería cancelado e os premios desertos.
PRAZO DE ENTREGA: O prazo de
entrega comeza o 30 de marzo de 2017 e finaliza o 20 de Setembro de 2017 ás
14.00 horas. As obras entregaranse na Entidade Local Menor de Bembrive en
horario de 9:00 a 14:00 horas ou por correo postal dirixidas á Entidade Local
Menor de Bembrive, Praza Mosteiro 1,
C.P 36313 - Vigo (Pontevedra).
PREMIOS: Modalidade DE 14 ATA 18
ANOS: Se entregará un primeiro premio de 60 euros, un segundo de 40 euros e un
terceiro de 20 euros. Modalidade MAIORES DE 18 ANOS: Entregarase un primeiro
premio de 150 euros, un segundo de 100 euros e un terceiro de 70 euros. *A
entrega de premios realizarase na
Entidade Local Menor de Bembrive coincidindo coa celebración da Festa da Sidra
de 2017, hora por determinar.
XURADO: O xurado estará composto
polos representantes da Entidade Local Menor de Bembrive e colectivos veciñais.
O xurado, cuxo fallo será inapelable, poderá declarar os premios desertos se
non se presentan un máximo de cinco participantes. Así mesmo, están facultados
para resolver todo aquilo que non quedase establecido de modo explícito nas
presentes bases e crean da súa competencia. *O FEITO DE PARTICIPAR NESTE
CONCURSO IMPLICA A ACEPTACIÓN DAS BASES.
En Bembrive, 01 marzo
de 2017
O Alcalde Pédaneo
Roberto Ballesteros
Costas