BASES 1º CONCURSO FOTOGRAFIA ENTIDADE LOCAL MENOR DE BEMBRIVE
1. TEMATICA. Imaxes da parroquia
de Bembrive en todos os seus ámbitos: Patrimonio, paisaxes e escenas cotiás ou
festivas.
2. PARTICIPANTES. Poderán
concorrer ao presente concurso todos os fotógrafos que o desexen, sen
limitación de idade.
3. NÚMERO DE OBRAS. Deberanse
presentar un número mínimo de 2 obras e un máximo de 5.
4. FORMATO. Só admitirase o
formato dixital. Todos os arquivos serán en formato JPEG ou TIFF de máxima
resolución.
Las imaxes entregaranse cunha
resolución mínima de 72 dpi. Cada imaxe terá un tamaño mínimo de 3 MB.
As imaxes presentaranse " a
sangue", é dicir, que non se poderán engadir ás mesmas marxes, bordes ou
elementos similares que reduzan o seu tamaño. Permítese o retoque das
fotografías, pero non se poderán engadir ou eliminar elementos que modifiquen a
súa composición orixinal. En caso de dúbida e como comprobación poderase esixir
o arquivo orixinal.
5. PRESENTACIÓN DAS OBRAS. As imaxes presentaranse gravadas
nun CD. As fotografías presentadas deberán ser orixinais e inéditas e non ser
presentadas nin premiadas en ningún outro concurso. Os participantes deberá ser
os autores das obras presentadas.
6. IDENTIFICACIÓN DAS OBRAS. As
fotografías en JPEG deberán nomearse da seguinte maneira: (iniciais do primeiro
nome e os dous apelidos do autor)_(Número)_(tres últimos díxitos máis a letra
do NIF do autor). Exemplo: A 4ª fotografía enviada polo autor Pedro Alfonso
González López con NIF 69125889F
terá o seguinte nome de arquivo JPEG: PGL_4_889F Será obrigatorio achegar co CD
o formulario de inscrición en papel, no que se indicará con claridade o título
da fotografía e o lugar onde foi tomada.
7. ENVÍO DAS OBRAS. O CD e o
formulario remitiranse por correo, axencia de transporte ou en man á seguinte
dirección: ENTIDADE LOCAL MENOR DE
BEMBRIVE ,Praza Mosteiro 1, C.P
36313 -VIGO (PONTEVEDRA).
8. PRAZO DE ADMISIÓN. O prazo
para presentar as obras estará aberto do 13 de marzo ao 20 de Xullo de 2017.
Non se admitirán obras presentadas con posterioridade a esta data, fóra
daquelas cuxo certificado de correos ou axencia sexa igual ou anterior á
devandita data, aínda que sexan recibidas unha vez concluído o tempo
estipulado.
9. COMPOSICIÓN DO XURADO. O
xurado estará presidido polo alcalde pedáneo ou persoa en que delegue e
constituído pola Vogal de Cultura, Vogal de Medio Ambiente e tres membros de
colectivos veciñais da parroquia. A decisión do xurado será inapelable.
10. FALLO DO XURADO. O fallo do
xurado farase público o día 26 de Xullo de 2017 ás 12:00 horas na Sede da
Entidade Local. A continuación procederase a inaugurar a exposición con todas
as fotografías presentadas polos participantes. A exposición permanecerá aberta
ata o día 3 de febreiro de 2018 na sede da Entidade Local.
As 10 mellores fotografías serán
expostas nun tamaño de 30 x 45 (os gastos corren a cargo da organización e á
finalización da exposición serán entregadas aos seus autores)
11. PREMIOS. Primeiro premio:
Diploma e cheque por importe de 150 €. Segundo premio: Diploma e cheque por
importe de 90 €. Terceiro premio: Diploma e cheque por importe de 50 €. Non se
poderá gañar máis dun premio.
12. DEREITOS DE AUTOR. A
presentación das obras supón a cesión de todos os dereitos de imaxe das súas
fotografías para exposición, reprodución e distribución e comunicación a favor
da Entidade Local Menor de Bembrive, sen limitación de sistemas, medios, nin
países. As obras presentadas quedarán en propiedade da Entidade Local Menor de
Bembrive. A propiedade intelectual e autorías serán sempre do autor.
13. ACEPTACIÓN DAS BASES. A
participación neste concurso supón a plena aceptación de todas e cada unha das
bases e do galo inapelable do xurado.
14. OBSERVACIÓNS. Ningún Premio
poderá quedar deserto. A participación no concurso implica a total aceptación e
conformidade co disposto nas presentes bases. Calquera imprevisto non incluído
nestas bases poderá ser resolto polo Xurado. As fotografías que non cumpran uns
requisitos mínimos de calidade e resolución non serán admitidas a concurso.
En Bembrive, 01 de
marzo de 2017
O Alcalde Pédaneo
Roberto Ballesteros
Costas