Entroido 2019

Administrador
25·02·2019

Como xa é tradicional, o vindeiro sábado 9 de marzo ás 17:00 horas, e dentro das actividades do Entroido de Bembrive, organizado por esta Entidade Local Menor en colaboración con distintas Asociacións da parroquia, realizarase o Desfile de Comparsas desde Troncais ata o Centro Cultural do Torreiro da Ponte.

Ás 22:30 horas realizarase a verbena-baile de disfraces e o Concurso de disfraces individuais de adultos na carpa do Torreiro. A animación musical correrá a cargo do grupo "Ritmo".

O concurso de disfraces individuais infantís celebrarase o domingo dia 10 de marzo ás 17:00 h. baixo a mesma carpa, co espectáculo musical de "Animar-T a bailar"

As persoas interesadas poden consultar as bases dos concursos de comparsas e disfraces de adultos e de individuais infantís no taboleiro de anuncios: http://bembrive.org/elm-bembrive-taboleiro .

O formulario de solicitude de inscrición pódese descargar no seguinte enlace: http://bembrive.org/uploads/impreso-solic.-inscrici--n-comparsas-entroido-2019.doc